[ Pobierz całość w formacie PDF ]
.KÜNIG.Das mog wir uns fast frowen wolain yeder auch Gott loben sol.Das Botten brot bringt.AIN KRIEGSSMAN.Herr Küng großmåchtigister Herrich bring euch yetz vil boser meerDann euch ain klaine weil hie vorkein feind ligt mehr hie vor dem thorDer Hauptman zu seim Küng hin zeüchtich waiß nit wa der selb hin fleüchtEr ist von Libna gzogen absy sagen das der Engel habErtodtet dort in seinem heerain guten hauffen oder meerDas mogt Herr Küng euch ghaben wolain yeder auch Gott loben solMit danck umb sein barmhertzigkaitdie er an uns yetz hat gelait.Chorus.Psalmus CXXIIII.Wer Gott nit mit uns dise zeytso soll Israel sagen.Des Künigs Mandat lißt.DER ERNHOLD.Merckend ir Burger all gemainir seyen groß stands oder klainOder ir seind arm oder reichsond ir mercken allsand geleichEntbeüt euch Küngklich Maiestatsein gnad gruß alles was er hatIn seinem reich wol überaldas euch das alles dienen solDieweil ir yetz zu mal allsandgespüret hond die Gottes handDarmit uns auch gezayget anwas gfallen er darinn hat ghanDas wir allain hond unser hertzauff in gesetzt / nit hinderwertzGesehen hond wer bhilflich seysonder an im gehangen freyIst unser Ernstliches gebottdas ir nit weichen hie von GottAin Herr er aller Herren istder uns was bhilflich zu der fristEr ist der vor vil zeyten langund vor aller weit anefangIn seinem rhat beschlossen hatalles das wie es uns yetz gatIn seinem gwalt stat himel erder darff nit fechten mit dem schwerdtSein feind mit wincken er vertreibtkain gwalt auff erd nit vor im bleibtAlso hat er den Pharaonertrenckt mit mengem stoltzen manDort in des roten Mores grundhat dardurch gfurt ewr elter gsundDurch den Jordan auch deß geleichda er in eingab dises reichErhalten darinn manig jarhat im vil guts thon das ist warAber so offt man gfallen istvon seim gesatz in argen listHat er in dann die ruten gsandtdurch ain Thyrannen in ir landBiß das sy sich hond wider kertund haben in allain geehrtEr ist ain eyferiger Gotter leidt nit das man von seim bottWeich ab / und bett ain andern andarumb hat er nun mengen manUmb sein abfall in trawren gsetztbiß das man sich wider zu letztIn rewen wider zu im wendtund in allain für Gott erkendtWie ain vatter sich im erzaigtmit gutigkait sich zu im naigtDarumb ist das der wille meindas ir euch laßt empfolhen seinDie Gottes ehr zu aller zeitan allen orten und so weitMein reiche langt / mein Zepter gahtwie yedlicher in seinem stahtGeadlet ist / nit widerstrebsonder in dem gebott Gotts lebWie wir vor jaren gordnet handüberal in dem gantzen landAlso soll es nun auch fürhinder Gotts dienst euch befolhen sinWer darwider fürhin würt thonoder den underwegen lonDer soll hie wissen wissigkleichdas er fürhin in unserm reichKain gnad oder statt finden sollso lang biß das er wider wollSich schicken recht nun in die sachdann würt er haben wider gmach.Beschlußred.Die weil ir nun gehoret bandden handel fast yetz allen sandAuffs kürtzest unserm alter nachdarbey so bitten wir euch auchDas nun allzeit die Gottes ehrbey euch erwachs ye lenger mehrLond euch allzeit befolhen seinden frid / bey allen trewen meinChristus kain Herr des kriegens istsonder so du wilt sein ain ChristTracht du nach frid und ainigkaitauch fug niemandts nit zu kain laidWa aber dir würt botten ander krieg / soltu gut hoffnung hanDas Gott noch lebt / und für uns fichtder feind gwalt mit seim willen brichtDarumb ir liebsten våtter gutfassend unser leer wol zu mutDas wir nit alt seind achtent nittsonder volgend hie unser bittLond uns hie euch befolhen sindas ist der aller grost gewinDas wir nun yetzund fahen anbefleissen / dardurch muß bestanDer gmain nutz / das ist erbarkaitGotts forcht / frid / rhatschlag / dapfferkaitDas helff uns Christus unser Herrdem sey allzeit lob / preiß und ehr.Getruckt zu Augspurg / durch Philipp Ulhart / in Sant Katherinen gassen
[ Pobierz całość w formacie PDF ]